[oktubre 7, 09]
lisod sulbaron ang tanghaga,
ako na lamang yawyawon:
ang upat ka buwan
nga pagkuyog-kuyog--usahay dili--
ta diri ning dalan ni komsai oble
nahimong agianan sa pagtanom,
pagturok, pagsalingsing
apan wa mogamot nga pagbati
nako kanimo.
ambot asa nang purgaturyoha ka
nahimutang ning orasa, adlawa, semanaha
gibutang sa imong kaugalingong tunob.
maglingo-lingo kong pangutan-on
asa ka nahimutang.
usa kini sa akong kagahapon
nga di nako mapapas ug papason:
ang imong yagit na ikaw
mas maayo sa ulitawong ikaw.
No comments:
Post a Comment