8.13.2009

gitak-opang kasingkasing



binilanggo akong kasingkasing
sa lata sa sardinas;
isda akong kasingkasing
nga gitagana sa umaabot;
di pa ablihan ang lata
may lain pang sud-an sa lamesa;

may usa ka iring gigutom
udto na apan wa pa makapamahaw;
nangitag isda sa lamesa
apan way usang nakita;
nakit-an ang lata sa sardinas
gikitkit apan napangag iyang ngipon;

pakyas siya sa iyang plano
iyang mga ngipon sa pag-abli di paigo

1 comment:

D J Moore said...

..hala! di pa jud ko anang uyab-uyab!